Agri stack project:महाराष्ट्र राज्यातील शेतकऱ्यांच्या कल्याणासाठी केंद्र सरकार तसेच राज्य शासनाद्वारे अनेक योजना राबविण्यात येतात. या विविध योजनांचा लाभ मिळवून देण्यासाठी सुरू करण्यात आलेल्या फार्मर आयडी अर्थात ऍग्री स्टॅक प्रकल्पाचा शुभारंभ प्रजासत्ताक दिनापासून करण्यात येणार आहे.
शासनामार्फत राबविण्यात येणाऱ्या विविध कृषी संलग्न विभागाच्या योजना सुलभ तसेच पारदर्शक पद्धतीने राबवण्यात येण्यासाठी हा महत्त्वकांक्षी असा ॲग्री स्टॅक प्रकल्प (Agri stack project)राबविण्यात येत आहे. या योजनेमध्ये शेतकऱ्यांचा आधार क्रमांक शेतकऱ्यांच्या मालकीच्या शेत जमिनीच्या सातबारा उताऱ्याला Whenever येणार आहे. त्यानंतर शेतकऱ्यांना एक शेतकरी ओळख क्रमांक अर्थात फार्मर आयडी प्रदान करण्यात येत आहे.
शेतकरी ओळख क्रमांक अर्थात फार्मर आयडी चे फायदे
- प्रधानमंत्री किसान योजनेअंतर्गत अनुदान प्राप्त करण्यासाठी याचा फायदा होईल
- शासनाच्या कृषी विषयक योजनांचा लाभार्थी निवड करण्यासाठी या आयडीचा वापर करता येईल.
- पिक विमा तसेच आपत्ती व्यवस्थापन अंतर्गत नुकसान भरपाई मिळवण्यासाठी ही यावेळी चा वापर करता येईल.
- पीक कर्ज, किसान क्रेडिट कार्ड तसेच किसान इन्फ्रास्ट्रक्चर फंड अधिक कृषी विकासासाठी देण्यात येणाऱ्या कर्जासाठी फार्मर आयडी चा वापर करता येईल.
- तसेच किमान आधारभूत किमतीवर शेतमाल खरेदीच्या ऑनलाईन नोंदणीसाठी याचा फायदा होईल.
फार्मर आयडी कार्ड काढण्यासाठी आवश्यक कागदपत्रे
आधार कार्ड
आधार कार्डशी संलग्न असलेला मोबाईल क्रमांक
7/12 उतारा
8अ उतारा
फार्मर आयडी कार्ड काढून घेण्यासाठी शेतकऱ्यांनी आपल्या जवळच्या सीएससी केंद्र तसेच आपल्या सरकार केंद्रामध्ये जाणे गरजेचे आहे. शासनामार्फत फार्मर आयडी कार्ड मोफत काढून देण्यात येत आहे त्यासाठी शेतकऱ्यांना सीएससी चालकाला कोणत्याही स्वरूपातील फी देणे गरजेचे नाही.